Ikuskizunak urteka

Generoa

Hitzaldia

Duración

60

Idioma

Calificación

Patxi Usobiaga 1980. urtean Eibarren jaiotako eskalatzaile profesional ohia da. Bere ibilbidean zehar asko izan dira lortutako garaipenak, azpimarragarrienak; bi aldiz “World Game” edo munduko kopa txapelduna 2006-2007 urtean, Europako txapelduna 2008an, munduko eskalada txapelduna 2009an, Españako txapeldun bi urtez jarraian 2004-2005an eta amaigabeko zerrenda luzea.

Lesio garrantzitsuak tarteko eta 2010. urtean izandako kotxe istripu larriak eragindako hernia diskalaren ondorioz, eskaladari agur esan behar izan zion eta bizimodu berri bati ongi etorria eman. Gaur egun lehiaketetatik kanpo ibili arren, daukan jardun nagusia bere Puc Series enpresa kudeatzea da eta bertan munduko eskalatzaile hoberenen prestakuntzaz arduratzen da.

“Sin Limites” dokumentala eta ondorengo solasaldia ez daude eskalada bizi eta maite dituztenentzat soilik zuzenduak, bizitzan diziplinarekin helburuak lortzeko gogor saiatzen diren guztientzat baizik.

Generoa

Antzerkia

Duración

0

Idioma

Calificación

ETXEKO SALTSAK (Relativity speaking jatorrizkoan) endreduzko komedia bat da, korapilatsua. Ikusleek pertsonaiek baino informazio gehiago dute eta aktoreak gaizki-ulertuen etengabeko kate dibertigarrian dantzan… Egilea, Alan Ayckbourn antzerkigile eta zuzendari ingeles ezaguna da. Greg eta Ginny etxe berean bizi dira. Maitaleak dira eta bizimodu zoriontsuan, ustez, sekreturen bat baitago tartean, isil-gordean. Ginnyk gurasoen landetxera, bixita egitera doala esango dio, baina gezurretan ari da. Izan ere, Philip, bere maitale sekretuarengana doa, harreman sekretua bertan behera utzi behar dutela esateko asmoz. Gregek, susmo txarra hartuta, neska laguna segiko du eta neskalaguna baino lehen allatuko da Philip eta Sheila bere emaztea, bizi diren landetxera. Ginnyren gurasoak direlakoan dago. Ginnyk Philipi aitaren plantak egitea eskatzen dio.

    Zuzendaria
    Begoña Bilbao Lejarzegi
    Antzezleak
    Aitziber Garmendia
    Ane Gabarain
    Miren Gojenola
    Mikel Laskurain
    Aitor Fernandino

Generoa

Antzerkia

Duración

70

Idioma

Calificación

Uda iritsi da beste behin ere eta honekin batera, Basakabi udalekuak bere ateak zabalduko ditu berriz. Pasa den urteko ikasleak, beste ikasle berri batzuekin gurutzatuko dira, denak Basakabiko disziplina zorrotzaren zaindaritzapean.

Naia Basakabira iritsi berria den ikaslea da. Bere ametsa, Royal School eskolan dantza ikastea da, baina bere gurasoek ez diote sarrera proba egiten utzi nahi. Julen ere ikasle berria da aurten Basakabin, baina l ehen unetik, txantxak egiteko bere zaletasunak ospetsu bihurtuko du gainerako ikasleen artean. Gari eta Eli, berriz, beteranoak dira eta kanpotik gogor itxurak egiten badituzte ere, ezkutuan maiteminduta daude. Eta Markel… Markelek Markel izaten jarraituko du.

Aurreko urtean bezala, umorez beteriko antzerki obra musikala izango da hau. Telebistan ikusi ahal izango diren istorio eta gora beherak laburtu eta moldatuko dituen ikuskizuna.

Partaideen zerrenda: Asier Burguete, Aritz Mendiola, Ainhoa Larrañaga, Beñat Iturbe, Iholdi Beristain eta Ramon Agirre // Nerea Gorriti.

Generoa

Musika

Duración

0

Idioma

Calificación

Ruper Ordorikaren disko berriak (KD 953 Ruper Ordorika: Guria Ostatuan – 2016 Elkar) haize berriak dakartza. Beti kantu ederren bila aritzeaz gain, grabaketaren zuzentasuna eta diskoaren entzuketa sendoa bilatzea izan ohi da Oñatiko koblariaren jo muga, diskotik diskora maila berri bat lortu duelarik. Disko berri honetan, berak idatzi eta ondu poemak musikatzen ditu, abestiei nortasun hilezkorra ematen dioten atmosfera klasiko bezain kontenporaneoak lortuta.

Generoa

Monologoak

Duración

0

Idioma

Calificación

Soy Agustín Jimenez.

Me defino a mí mismo como un ingeniero del entretenimiento. Esto lo digo, primero porque suena bien y da mucho respeto y segundo porque durante más de tres décadas he dedicado mi vida a entretener de todas las formas posibles.

Me las he ingeniado para aprender de los mejores sin perder nunca un estilo propio y original (Vamos, que no he copiado mucho). Y de los peores he procurado olvidar sin recurrir al alcohol. Pero, si lo de ingeniero no lo véis claro podéis llamarme payaso, actor o cómico. También podeis llamarme monologuista. Si queréis podéis llamamarme dibujante o artista...

Pero, por favor...

¡LLAMADME!

Generoa

Musika

Duración

0

Idioma

Calificación

Hamalau urte hauetan ehundaka kontzertu eman izan ditu taldeak Euskal Herriko zazpi kantoietan zehar, aretoak eta plazak leporaino beteaz. 2006an Bilbao BBK Live jaialdiaren lehen edizioan presente egon zen, besteak beste, Ben Harper & The Innocent Criminals, The Cult, The Cardigans eta Lori Meyers bezalako taldeentzat atariko lanak eginez. 2014an adibidez EHZ jaialdian Ska-P eta Pendulum talde entzutetsuekin agertokia partekatzeko beta izan zuen. Espainia aldetik Madrid, Barcelona, València, A Coruña eta Xixón bezalako hirietara eginak ditu irteera bakan batzuk, hala nola, London, Belfast, Paris, NYC, San Francisco, Los Angeles, Washington eta Mexico DF hirietara atzerriko ateraldiak kontutan izaten baditugu.
 

Generoa

Antzerkia

Duración

0

Idioma

Calificación

Begoña eta Arrate ahizpak dira. Ama hil berri dute eta hogeita bost urteren ondoren jaiotetxean egingo dute topo, ustekabean.

Begoña Afrikan bizi izan da urte askoz. Amarengandik ihesi joan zen. Ekaitz-egun beldurgarri batez, aborto baten ondorioz, bizitza hankartetik zihoakiola konturatu zenean.

Arrate, aldiz, etxean geratu zen amaren itzalean. Lanbidez, familia medikua da eta itxura batean, zoriontsu bizi da. Ezkonduta dago eta bi alaba ditu.

Bi ahizpak aurrez aurre elkartzean elkarri kontuak eskatzen hasiko dira. Ezer gutxi dakite amak batengan eta bestearengan utzitako arrastoez. Nahikoa lan izan du bakoitzak bere bizitza eraikitzen. Nahikoa lan bizitzen.

Fitxa Artistikoa

Egileak: Arantxa Iturbe, Agurtzane Intxaurraga
Ane Sextonen olerkiaren itzulpena: Harkaitz Cano (Susa Argitaletxea)
Antzezleak:
Itziar Ituño: Arrate
Miren Gojenola: Begoña / Gaixoa 1 / Gaixoa 2
Agurtzane Intxaurraga: Ama / Brijida / Manipulatzailea
Zuzendaria: Agurtzane Intxaurraga
Zuzendari Laguntzailea: Tessa Andonegi
Musikaren Diseinua: Iñigo Telletxea
Argien Diseinua: Xabier Lozano

Generoa

Musika

Duración

0

Idioma

Calificación

Izaro Andres abeslari mallabitarra tabernetan hasi zen abesten, harik eta kontzertu batean orain bere bateria jotzailea dena ezagutu zuen arte. Hark beste bi lagun aurkeztu zizkion, eta orain Izaroren banda osatzen dute hirurek. Bere lehen diskoan, Izarok berak sortu ditu hitz guztiak eta musika. Abesti gehienak euskaraz dira, baina gaztelaniaz eta ingelesez ere kantatzen du. Dagoeneko hasi ditu bere diskoa aurkezteko kontzertuak. Euskal Herriko hiriburuetan eta Espainian jotzen ibili ondoren, Lekeitiora urbilduko zaigu.

Generoa

Antzerkia

Duración

0

Idioma

Calificación

“Ez dok Hiru”, Euskal Herriko kantutegian oinarritutako ikuskizun teatrala da. Gure modukoa, eroa, deskonzertantea, irrigarria azalez… Baina azal horren poro bakoitzari geure musikarekiko maitasuna dario. Publiko helduari zuzendutako ikuskizuna da, umorezkoa eta euskaraz. Patxo Telleriak testuak sortzeko eta Mikel Martinezek, eta Telleriak berak, zuzenean antzezteko duten estilo paregabearekin eta Jokin Oregiren zuzendaritzapean. Oraingo honetan, bikoteak beste hiru musikari-aktorekin partekatuko du taula, hitzari, bere ohiko tresna eszenikoari, zuzeneko musikaren indarra gehiturik.

Egilea: Patxo Telleria
Zuzendaria: Jokin Oregi
Aktoreak: Mikel Martinez,Patxo Telleria
Musiko-aktoreak: Adrián García de los Ojos, Maria Arriaga Telleria eta Ivan Allue
Jantziak eta eszenografia: Azegiñe Urigoitia
Edizio Musikala: Adrián García de los Ojos
Argiztapena: David Rodríguez
Soinua: Oier Landa
Diseinu Grafikoa: Paradox
Ekoizpena: TARTEAN Teatroa

Generoa

Dantza

Duración

60

Idioma

Calificación

“Nor zaren jakin nahi baduzu dantza ezazu!”. Pablo Iraburuk eta Iñaki Alforjak sortutako film dokumentalean oinarrituz, Kukaik dantza eta zinema bateratzen dituen formatu hau proposatzen du. Hiru dantzarik ‘Oskara’ ikuskizuneko hainbat pasarte taularatzen dituzte, dokumentalaren proiekzioarekin batera. Ikuskizunaren sormen prozesua da lan honen abiapuntua, IDENTITATEA gogoetarako gai nagusia delarik.

Generoa

Antzerkia

Duración

60

Idioma

Calificación

Froga psikologiko batzutara aurkeztu da
protagonista, diru pixka bat irabazteko asmoz.
Bere arazo ekonomikoak konpontzeko diru erraza
irabaztekotan joan da, baina tranpa eta iruzurra
aurkituko ditu ordainetan. Psikologa batek galdera
sorta tranpatia egingo dio, gure gizon ergela
urduritasunak jota utzi arte. Halabeharrez, bere
onenak eman beharko ditu zoritxarreko amaierarik
gerta ez dadin.

AKTOREAK

SARA COZAR

JOSEBA APAOLAZA

ZUZENDARIA

BEGOÑA BILBAO LEJARZEGI

EGILEA

JORDI CASANOVAS

Generoa

Antzerkia

Duración

60

Idioma

Calificación

Sinopsia

Gaur euria ari du. Pupu eta Lore baserriko ganbarara igo dira jolastera. Kantu, irri, jolas eta solas ariko dira pailazo txikiak ia ordubeteko saioan, Xabier Zabalak musikatutako Joxan Ormazabalen  olerkiak oinarri hartuta. Jaiotzear den haurrari eta haur jaioberriari abestuko diote. Titia ere kantuz emango diote, puzkerrari doinua jarriko diete, abestuko diote astoari, urtaroei, euri tantari… Maite zaitut ere kantuz esango diote elkarri.

Aktoreak:

• PUPU Iraitz Lizarraga
• LORE Ekain Ibarguren

Ekoizpena: Katxiporreta Koop.

Zuzendaritza: Katxiporreta Koop.

Abestien Hitzak:Joxean Ormazabal

Musika: Xabier Zabala