Emanda - proeiktatua

Sobietar Batasun ohian, Leo Demidov −segurtasun zaindaria, gerrako heroia eta Stalinen jarraitzaile sutsua− haurren hilketa bat ikertzen ari da. Estatuak ikerketatik apartatzean, Demidovek lehen baino indar handiagoz segituko du hilketak argitzen eta horiek ezkutuan mantentzeko estatuaren interesa ikertzen. Bere emaztea da lagunduko dion pertsona bakarra.

---

2032. urtean, etorkizuneko gerra betean, giza matxino talde bat adimen artifizialeko Skynet sistema garaitzear dago. John Connor da erresistentziako liderra eta Kyle Reese haren soldadu leiala. Connorren aginduz Reese 1984ra joango da, John-en ama babestera, Terminator batek hil egin nahi baitu, John-ez erditu ez dadin. Reesek aurkituko duena, baina, ez da espero zuena.

---

Jabeek bertan behera utzitako katutxo bat babes bila dabil ekaitzak astindu duen egun batean. Halako batean, non sartuko eta sekula pentsatuko ez zuen etxerik harrigarrienean. Izan ere, jabea agure mago bat da eta etxea automataz eta tramankulu bitxiz beterik dauka. Magoak katutxoari harrera beroa egin badio ere, ez dute abegi onez hartu magiaren etxeko bizilagun guztiek, eta hauetako batzuek etorri berria etxetik kanporatzeko plan bat asmatuko dute. Egoerak okerrera egingo du agure magoa ospitaleratutakoan, bere ilobak aukera ezin hobea ikusiko baitu etxetzarra saldu eta aberasteko. Gure heroi gazteak, magiaren etxeko bizilagunen artean bere tokia irabazi nahirik, bizikideetako batzuekin bat egingo du bere bizileku magikoa babesteko.

---

Jay-k, 18 urteko neskak, lehen sexu harremana izan du autoaren atzeko aldean bikotekidearekin, baina ez da normal amaitu kontaktua, konortea galdu arazi baitio bikotekideak, kloroformoz. Jazartzen duten espirituak uxatzeko egin omen du, egindakoa. Harrezkero, ordea, Jay izango da jazarria, etengabeko amets gaiztoak izateaz gain, une oro sentituko baita behatua.

---

Galia osoa erromatarrek okupatuta dute, herrixka txiki bat izan ezik… Julio Cesar desesperatuta dago ejerzitua ez delako herrixka menperatzeko gai izan. Ondorioz, taktika aldaketa bat egitea erabakitzen du. Galiar barbaroak seduzitzen erromatar zibilizazioa arduratu dadin proposatzen du eta, horretarako, barbaroen herrixkaren aldamenean luxuzko egoitza bat eraikitzea aginduko du: Jainkoen Egoitza. Gai izango al dira galiar herritarrak erromatarren diru eta erosotasunaren tentazioari uko egiten?

---

Hirurogeiko hamarkadan, minions-ak Antartidan bizi ziren, baztertuta, jauntxo berri baten zain, zerbitzatu ahal izateko. Bilauen bilera batean bat egingo dute Herb eta Scarlet Overkill senar-emazteekin, eta hauen zerbitzari bihurtu nahi izango dute.

---

Jurassic Park-etik 22 urtera, Nublar uhartea parke tematiko bihurtu dute: Jurassic World. Bertoko dinosauroak hezita daude, etxekotuta. Dena doanean ondo baino hobeto, espezie ezezaguneko dinosauro bat agertuko da, besteak baino azkarragoa eta dena jarriko du hankaz gora.

---

Belier familiako kide guztiak gor-mutuak dira, 16 urteko Paula izan ezik. Paula da gurasoen interpretea munduarekin. Egun batean, musika irakasleak animatuta, Radio Franceko Abesbatzarako prestatzea erabakiko du Paulak, kantari aparta baita, baina horrek familiatik urruntzea dakarkio.

---

Baldartasuna dela, zorte txarra dela, kontua da Bobo Zazpigarren Ipotxak eta bere sei lagunak ederki moldatu direla Fantabularrasako gazteluan sekulako krisia eragiteko. 18 urte betetzekotan zegoela, hamabietako kanpaiak jo baino lehentxeago, Rose printzesak hatza ziztatu du, eta horrekin batera erresuma osoa ehun urteko loaldian erorarazi. Boboren erruz, Dellamorta sorgin gaiztoak berea egin du. Ipotx txikia eta bere lagunak, beraz, printzesa salbatu eta bere okerra zuzentzeko irrikitan daude. Nola esnaraziko ote dituzte printzesa eta gorteko gainontzekoak?

---

Shaun artalde xelebre bateko liderra da. Ardi guztiek, eta Shaunek bereziki, gizakiok egiten ditugun gauzak egiteko gaitasuna dute. Oraingoan, Shaun hirira doa baserritarraren bila.

---