Emanda - proeiktatua

Bost maitasun istoriok eta sexu-zaletasun bitxi batzuk egingo dute bat, Madrilen, uda bero batean. Dakrifilia (malkoekin kitzikatzea), elifilia (ehun batzuekiko obsesioa), somnofilia (lo dagoen batekin orgasmora iristea) eta harpaxofilia (bortxaz erasotua izateko desioa) dira protagonistek plazera lortzeko ezagutuko dituzten bideetako batzuk; baina zelan integratu euren bizimoduetan, disfrutatu ahal izateko? Tabuak apurtzea ezinbesteko izango dute, emozioz beteriko etapa berrian sartzeko.

---

Bizitzera Portugalera joateko dagoela, bere alaba Antiaren aspaldiko lagun Bearekin egingo du bat Julietak. Beak diotso Antia Italian ikusi zuela eta hiru seme-alabaren ama dela. Konkortuta, bidaia bertan behera utzi eta bere alabaz idazten hasiko da Julieta.

---

Mowgli-k, oihanean otsoekin hasitako mutikoak, ezagutu duen etxalde bakarra utziko du eta bere burua aurkitzeko bidaia zoragarri bati ekin.

---

Katherine Powell , militar britainiarra, Nairobin dabil talde Beldurraista baten atzetik. Beldurraistena misio suizida dela jakitean, harrapatzea barik hiltzea erabakiko du. Gordelekua suntsitzera doan pilotuak bederatziren bat urteko neskatoa ikusten du inguruan. Zer egin?

---

Kyuta Tokion bizi den mutiko bakartia da, eta Kumatetsu fantasiazko mundu batean bizi den naturaz gaindiko izaki isolatua. Egun batean, umeak beste mundurako muga zeharkatuko du eta Kumatetsu ezagutuko, aurrerantzean bere lagun eta gida espirituala izango dena. Orduz geroztik, abentura piloa bizi izango dute elkarrekin.

---

Egun batean, Miss Shepherd-ek furgoneta aparkatuko du Londoneko espaloi batean, Alan Bennett idazlearen etxaurrean. Hasieran gogoz kontrako mesedea zirudiena, bien bizitzak aldatuko dituen harreman bilakatuko da.

---

François Truffaut-en “Zinea Hitchcock-en arabera” liburuaren berrogeita hamargarren urteurrenean, Kent Jones zuzendariak gure garaiko zine zuzendari handienetakoak (Martin Scorsese, David Fincher, Richard Linklater, Wes Anderson, James Gray, Olivier Assayas…) gonbidatuko ditu suspensearen maisuaz pentsatzen dutena partekatzera.

---

Norman ehizatzen ez dakien hartz zuria da. Baina dohain berezi bat du: Bere aitonak bezala, gizakiei hitz egiteko gaitasuna du!  Vera marketing zuzendaria da eta egun batean Artikoan azalduko da telebistarako iragarki komertzial bat filmatzeko, bere nagusi dirudun eta harroputzarentzat luxuzko etxeak sustatzeko helburuz. Norman berehala konturako da zerbait egin behar duela bere etxea, Artikoa, salbatzeko.

---

Benetako gertaeretan oinarritua. Jesse Owens atleta mitikoaren historia kontatzen du. Berlin. 1936ko Joko Olinpikoak. Munduko marka guztiak hausten ditu Owensek abiaduran, Adolf Hitlerren “aryan” arrazaren nagusitasunaren teoria hankaz gora jaurtiz.

---

Nazioarteko istilu batean inplikatuta agertuko dira Mendekatzaileak. Presio politikoak handitzen doaz super-heroien zerbitzuak noiz kontratatu behar diren zehazteko. Egoera berriak Mendekatzaileen taldea zatitu egingo du.

---